بيوقلك .. ياسادة ياكرام ايام زمان .. فى سالف العصر والاوان
كان يوجد ملك الغابة ( الاسد ) وكان دكتاتور جائه رئيس الوزراء ( التعلب ) . وقال له يا مولانا الاسد
بصراحة وماخبيش عليك
الناس مش طايقة تسمع سيرتك .
ولازم تشوف حل للحكاية دي ..
قاله طيب نعمل ايه
احنا لازم نعمل حاجة نخلى الناس ترجع
تحبني وتهتف بإسمي
فى تلك اللحظة قفزت الى زهن الاسد
فكرة جهنمية قالها على الفور فى مجلس سري الى التعلب فهمس اليه قائلاً
ايه رأيك نعمل قانون جديد فيه ظلم وقهر للناس
قاله يامولانا الاسد هو الناس ناقصه
قاله اسمع بس. وبعدين الناس لما
تشتكي وتعمل مظاهرات اتدخل انا واشيل القانون تقوم الناس راجعة تاني تحبني وتهتف
بإسمي
فرد التعلب على الفور
ياافكارك يا مولانا الاسد
ايه الافكار الجهنمية دى
شيطان واللهى .......... يابن الابالسة
معلش يامولانا الاسد
فكرتك فكرة ابالسة .. قول سمعني
قالوا شوف اعملوا قانون اى حد يطلع
الكوبري المشهور اللى عندنا فى المدينة يدفع عشرةجنية .
من الصبح القانون اتطبق على الشعب
اسبوع مر على الناس والناس بتدفع
عادي ولا حد عمل مظاهرات ولا نيلة
سأل الاسد التعلب ايه الموضوع ماحدش عمل مظاهرات يعني
قاله اللى حصل يامولانا
الاسد قالهخلاص خلوا اللى طالع يدفع تلاتين ونشوف ؟
مر كمان اسبوع والناس عماله تدفع
ولاحد سأل ولا فى اى مظاهرة فى الشوارع
استدعي الاسد على الفور التعلب وقاله
ايه ياعم الحكاية ماحدش عمل حاجة يعني
التعلب رد وقال اللى حصل يامولانا
الاسد هنعمل ايه ؟
فرد الاسد وقال له اسمع
اعلموا اللى طالع يدفع ثلاتين واللى نازل يدفع خمسين .. ونشوف ؟
مر كمان اسبوع والناس عماله تدفع
ولاحد سأل ولا فى اى مظاهرة فى
الشوارع
استدعي الاسد على الفور التعلب وقاله
ايه ياعم الحكاية ماحدش عمل حاجة يعني
التعلب رد وقال اللى حصل يامولانا
الاسد هنعمل ايه ؟ بس ؟
فرد الاسد وقال له اسمع
اعملوا اللى طالع يدفع خمسين واللى نازل ينضرب على قفاه بالقلم قفي جامد كده.....
ونشوف ؟
تاني يوم حدث اختناق فى وسط البلد اسفل الكوبري .
على الفور الخبر وصل للأسد
قال بس فرصة اروح بقى اشوف الناس واقول كمان كلمة للشعب والغي القانون وترجع الناس تاني تهتف بإسمي ياااااااااااااه فين الايام دي ..
ذهب الاسد على الفور الى مكان الاختناق .
فوجد الناس كثيرة مقهورة وفى حالة صعبة
وقف الاسد يتأمل الناس فلمحه احد افراد الشعب فنادي عليه
يا مولانا الحاكم .. يا مولاااااااانا الحاااااااكم انقذنا .. الحقنا
فرد الاسد على الفور: نعم يابني تحت امرك ياحبيبي فى ايه ؟!!
قاله : يامولانا الاسد .. لو تكرمت الناس اللى بتضرب على القفا عددهم قليل قوي
لو سمحتم زودوا شوية اللى بيضربوا على القفا عاوزييييين نخلص
لو سمحتم زودوا شوية اللى بيضربوا على القفا عاوزييييين نخلص
خلصونا ........ .
وبالفعل تم زيادة عدد الذين يقومون بالضرب على القفا
الى اليوم والعمل ماشي بانتظام وبصفة منتظمة وحضارية
م ن ق و ل
13 يوليو, 2007 03:36 ص